Kudam zawng zawngah digital weighing scale dah tum a ni - Minister

Food, Civil Supplies & Consumer Affairs minister B Lalchhanzova chuan, kudam aṭanga bûk dik taka buhfai pek chhuah a nih theih nan kudam zawng zawngah digital weighing scale dah tum a nih thu a sawi.

B Lalchhanzova hian August 14, Ningani khan Serchhip DCSO office a tlawh a; kudam aṭanga bûk dik taka buhfai pek chhuah a nih theih nan kudam zawng zawngah digital weighing scale dah tum a nih thu sawiin, "Khawl chah mek a ni a, he thil hi mipuiah buhfai bûk tling a thlen ngei theih nana department hmalakna pawimawh a ni," a ti.

FCSCA department-a thawkte chu an hnaah rinawm tura chahin Minister chuan, "Monsoon stock kan lo inlak khawl hma avangin fûr khawchhe karah pawh buhfaiah harsatna nei loin kan awm a, thawktute inpekna vang a ni. Supply department-a thawktute lakah mipui thîkthu a chhe em em a, a chhan chu mipui mamawh khawihtu kan nih vang a ni," a ti a; thawktute chu mipui tan phûr taka thawk zel turin a chah.

Serchhip DCSO office-a thawkte'n an mamawh hrang hrang an lo thlen chungchangah B Lalchhanzova chuan a theih anga buaipui chhoh zel a nih tur thu a sawi.

Minister hi FCSCA secretary Teresy Vanlalhruaii leh joint director Lalthanmawia ten an ṭawiawm a ni.