Keiṭum High School-a zirlaite nu leh pate'n sikul kaitir loh tum

Keiṭum High School-a zirlai nu leh pate chuan an fate'n mathematics zirtirtu an neih loh avangin an fate chu sikul kaitir loh an tum bakah, zirtirtute sikul kai tur pawh dan an tum.

Zirlai nu leh pate intêlkhawm chuan thuchhuah siamin, Keiṭum H/S-a mathematics zirtirtu Lalhmangaihsanga chu January 9, 2025 khan transfer order tihchhuah a nih thu an tarlang a, "Order hi khawtlang hruaitute leh headmaster pawhin hre loin, January 21, 2025-ah headmaster hian hmuin loh theih lohin hemi ni vek hian a release nghal," an ti.

January 21, 2025 aṭangin mathematics zirtirtu an neih loh thu tarlangin nu leh pate chuan, "An neih leh theihna atan khawtlang hruaitute'n theihtawp an chhuah. Mathematics zirtirtu an neih loh avangin kan fate zirnain tuar nasa hle," an ti a; August 2025 chhunga mathematics zirtirtu dah a nih loh chuan an fate sikul kaitir loh an tum thu leh, zirtirtute sikul kai tur pawh an dan dawn thu an tarlang a ni.