Ruih theih thil kaihhnawihah Mamit dist-ah case 191 ziak lut

Mamita Excise & Narcotics department mi leh sate chuan Januray 1 - August 15, 2025 chhung khan zu leh ruihhlo kaihhnawihah mi 143 manin, thubuai 191 an ziak lut.

Sorkar thuchhuah tarlan danin, Mamit END hian January-August 15, 2025 chhungin heroin gram 35.070, ganja gram 1,323, khuh damdawi (codeine) phial 50, alprazolam gram 247.560, rakzu litre 1,213.375, sap zu litre 105.895, beer bûr 115 leh grape wine/juice 36 an man. Ruih theih thil hrang hrang an man kaihhnawihah hian mi 143 an man a, thubuai 191 an ziak lut a ni.

Mamit END huaihawtin kumin Independence Day lawmnaah ruihhlo donaa hmalakna atan ruihhlo ti lo tura intiamna, signature campaign buatsaih a ni a, Independence Day lawmna tel mi 1,000 velin hming an ziak a ni.