Aizawl tihhmasawnna tur sawiho

Chief minister Lalduhoma hoin a pisaah nimin khan Aizawl Sustainable Urban Transport Project (ASUTP), Project Readiness sawiho a ni a, UDPA minister K Sapdanga leh official pawimawhte an tel.

K Sapdanga chuan thuhma sawiin, Aizawl khawpui zau zel mila khawpui chhung inkalpawhna tur ruahmanna an siam dan a sawi a, "A senso hi Asian Development Bank loan tinzawn niin, state sorkar tana hautak lutuk lo tura duan a ni," a ti.

UDPA secretary Lalmalsawma Pachuau-in ruahmanna siamte a tarlang a; ruahmanaah Lengpui Airport huamin, Aizawl tlak lamah mihring chenna a zau thla zel tura ngaih a ni a, Muallungthu aṭanga Sihphir huama khawpui inkalpawhna ruahman a ni.

Kulikawn leh Bawngkawn inkar corridor leh junction tihhmasawnna te, Temple aṭanga Vaivakawn kawngpui leh a chhehvel tihhmasawn leh junction siamṭhat te, Aizawl tawntirh hmun pathuma truck, bus leh maxicab terminal lian siam te, kawngpui thlan bik pahniha EV bus tlantir a, bus châwmtu tur EV feeder bus khawpui chhung kawng thlan bika tlantirte a tel bawk.

Heng bakah hian Chief Minister-in dah tel atana ṭha a tih project ṭhenkhatte dah belh leh tura tih a ni.