Bawlhhlawh sâwngbâwlna tur tlawh

UDPA minister K Sapdanga chuan August 16, 2025 khan Lunglei Pukpuia UDPA department hnuaia Lunglei khawpui bawlhhlawh sawngbawlna tur, Solid Waste Management Centre siam mek a tlawh a, a dinhmun leh hmalak zel dan tur a en.

K Sapdanga hi Lunglei HPC vice chairman V Malsawmtluanga, Lunglei South bialtu MLA Lalramliana Papuia, Lunglei West bialtu MLA T Lalhlimpuia, LMC chairman Lalzuithanga, UDPA secretary Lalmal-sawma Pachuau, Lunglei bawrhsap Navneet Mann leh official dangte'n an ṭawiawm a; Lunglei khawpui hmasawnna tura mamawhte an sawiho nghal.

Solid Waste Management Centre, Pukpui siam mekah a panna kawng laih zawh tawh a ni a; bawlhhlawh ṭawih thei sawngbawlna tur leh ṭawih thei lo sawngbawlna tur (wet & dry waste) building sak mek niin, 40% vel thawh zawh a ni tawh.

Project hi Swachh Bharat Mission (Urban) 2.0 leh ringfenced fund aṭanga thawh a ni a, cheng nuai 385.6 senna tur niin, LHM Infra-in an thawk a ni.