TLAWNG LUI TUI A NÛ

Public Health Engineering (PHE) department chuan thuchhuah siamin, Aizawl mipui tui tlan ber Tlawng lui tui nú a la ziaawm hleih theih loh avangin Aizawlah tui sem a mumal thei dawn rih lo tih an tarlang a, hrethiam turin mipui an ngen.

PHE department chuan, "Tui pump a khaihlak nasa a, August thla chhungah pawh hian Greater Aizawl Water Supply Scheme phase I leh II-te tui nú vangin vawi eng emaw zat pump hleih theih lohin a awm. Hengte avang hian Aizawl khawpuia tui sem dan hun eng emaw ti chhung a la mumal thei dawn lo a, mipuite tui ren tur leh ruahtui khawl lama ṭan la turin kan ngen a ni," an ti.