HISSLAM-in badge dum bel titawp

Higher Secondary School Lecturers Association, Mizoram (HISSLAM)-in lungawi lohna lantira ni thum chhung badge dum bel an tum chu nimin khan an titâwp.

HISSLAM hian lungawi lohna hrang hrang an neih avangin August 18, Thawhṭanni khan badge dum an bel ṭan a, niminah an chhunzawm a, vawiinah pawh badge dum bel leh turin an inruahman bawk. An duh leh phût chi hrang hrangteah sorkarin hmalak a tum thu an dawn avangin vawiina badge dum an bel leh tur chu an ṭhulh ta a ni.

HISSLAM hian contract lecturer-te dah ngheh leh direct recruitment chungchangah sokkarin hmalak a tiam a, a hlawma zirtirtu sawn (mass transfer) huk a awm tawh dawn loh thu sorkar hotute'n an sawi thu an tarlang. Sorkar hmalakna a thlir zui zel dawn thu an tarlang bawk.