Bharat Forge hmalak dan tur sawiho

Information & Communication Technology minister Dr Vanlalthlana kaihhruaiin nimin khan Planning committee room-ah Bharat Forge Ltd corporate social responsibility hmanga Mizorama hmalak dan tur sawiho a ni. Bharat Forge hotute chuan, India rama a hmasa ber leh awm chhun ni turin Mizoramah AI IOT Robitics Skill School Lab. din an duh thu an sawi.

Sawihonaah hian Labour, Employment, Skill Development and Entrepreneurship (LESDE) minister Lalnghinglova Hmar, CSR Cell chairman TBC Lalvenchhunga leh Bharat Forge CSR head Dr Leena Deshpande te an tel a; Confederation of Indian Industry, Mizoram aiawhte leh mi pawimawh dangte an tel bawk.

Dr Leena Deshpande chuan, Bharat Forge company chanchin tlangpui leh CSR hmanga an hmalak tawh dante a tarlang. Themthiamna lam tihhmasawn (skill development) an ngaih pawimawh avangin Mizoramah chumi hawi hmalakna kalpui theih ni se an duh thu leh, India rama a hmasa ber leh a awm chhun ni turin Mizoramah AI IOT Robitics Skill School Lab. din an duh thu a sawi a ni.