July - August-ah drug licence 2 titawp; Taksa tihmawina thil fak uchuakte ûm zui dawn

Health department-a Food and Drugs Administration (FDA) chuan kumin July leh August thla chhungin phalna neia damdawi zuar zinga pahnih chu ruihna atana hman theih damdawite dan bawhchhiaa an hralh ṭhin avangin an drug licence an titawp (cancel). FDA hian social media-a taksa tihmawina kaihhnawih thil hleihluak taka fakna awm ṭhin chu dan phal loh a nih avangin an ûm zui dawn.