Leiṭha zuartute endiktu tur din

Aizawl District Vigilance Committee on Fertilizers chuan, leiṭha zuartu retailer-te'n fertilizer an hralh apianga a leitute hriat zel a nih theih nan online portal siam an rêl a; fertlizer dealer-te dinhmun a hmuna enfiah turin squad team an din bawk.

Vigilance Committee on Fertilizers hi an chairman Lalhriatpuia, Aizawl district bawrhsap kaihhruaiin August 19, Thawhlehni khan DC conference room-ah an ṭhukhawm a; Aizawl district-a loneitute'n an mamawh zat leiṭha an neih ngei theih nana hmalak dan tur an rêl a ni.

Ṭhutkhawmah hian, retailer-te'n fertilizer an hralh apianga a leitute hriat a nih zel theih nan online portal siam leh fertlizer dealer-te dinhmun a hmuna enfiah ṭhin tura squad team din an rêl a; fertilizer inspector chu chawlhkar tin district level portal enfiah tur leh thla thum danah report thehlut ṭhin tura tih a ni bawk.