DC-in ILP pek chhuahna hmun a enfiah

Kolasib district bawrhsap Robert C Lalhmangaiha chuan nimin khan Bairabi leh Phaisena Police checkgate-a Inner Line Permit (ILP) pek chhuahna a enfiah a; checkgate-a duty-te chuan sponsorship nei lo leh document fel lote hnenah ILP an pek loh thu an lo hrilh.

Sorkar thuchhuah tarlan danin, tun hnaiah Assam aṭangin Mizorama luh tum an tam a, chuvang chuan Mizoram luhkaa Police checkgate-ah ILP siam hna ngawrh taka kalpui a ni.

Robert C Lalhmangaiha chuan, checkgate-a duty-te'n fimkhur zawk leh felfai taka ILP an pek a ṭul thu a sawi a; checkgate-a thawktute chuan, sponsorship nei lo leh document felfai tak nei lote chu ILP an pek loh thu an lo hrilh a ni.

Kolasib Bawrhsap hian Zophai leh Phaisena Mizoram leh Assam state inrina leh National Highway no. 154-a Bairabi leh Tuichhuahen Zero Point inkar kawng siam laite a en nghal a; Bairabi khaw chhunga kawngpui thlur hniha siam chungchangah ram neitute zangnadawmna chungchanga harsatna leh hmalak dan turte a sawipui bawk.

Kolasib DC hi addtional SP F Lal-thlamuana leh Land Revenue & Settlement department hotute'n an ṭawiawm a ni.