Project Monitoring Committee-in Hostel sak mek pahnih an endik

Mizoram State Project Monitoring Committee (MSPMC) hotute chuan nimin khan SASCI 2024-25 sum hmanga Khatla leh ITI Venga Women Hostel sak mekte an endik.

Khatlaa Women Hostel chu cheng vbc 24.31 sênga sak tur a ni a; a hmun tur laih hna thawh mek niin, hna thawh tawh chin 2% vel a ni. Hostel hi mi 140 leng tura duan a ni a, May 2026-a zawh hman tur a ni.

ITI Venga hostel sak mek chu cheng vbc 14.48 senga sak tur a ni a; chhâwng sarih tura duan niin, chhâwng nga sak rih phawt tura tih a ni. He hostel hi mi 70 awm theihna tura ruahman a ni a, May 2026-ah sak zawh hman tura ruahman a ni.