Mawhphurhna hlen turin zirlaite fuih

Aizawl City College Joint Student Union chuan nimin khan IPR Auditorium-ah Assembly an hmang a, Home minister K Sapdanga'n a hmanpui a, anmahni leh ram leh hnam tana mawhphurhna an neihte hlen chhuah tum turin zirlaite a fuih.

Zirlaite fuihna thu sawiin K Sapdanga chuan, ram leh hnam ṭhanna leh hmasawnnaah zirlaite chu mawh phurtu lian berte zinga an nih thu a sawi a; anmahni leh ram leh hnam tana mawhphurhna pawimawh tak an neihte hlen chhuah tum tlat tura a fuihin, "Thil eng pawh kan tihnaah hlawhtling turin thawhrimna a pawimawh hmasa ber," a ti.

K Sapdanga chuan, Mizoramin all india service leh central service-ah Mizo ṭhalaite an lo lo rei tawh anga lang leh, ṭhalaite zinga ruihhlo ngawlveina hluar em em chungchang chu zirlaite zingah uar taka inzirtir a ṭul tih a sawi a; central/all India servive leh ruihhlo chungchangah theihtawpa ṭan la turin zirlai hruaitute a chah.

Khualzahawm Prof. S Sundar, National Institute of Technology director oawhin thu sawiin, NIT, Mizorama Mizoram seat neih chu Mizo zirlaite'n an luah khah zawh loh ṭhin thu a sawi a; chu chu chonaah ngai a, Mizo zirlaite'n NIT Mizorama seat an neih an luah khah theih nan ṭan la turin zirlaite a chah a ni.