Zenghri danna pek dan tur sawiho

State Task Force on Immunization chu nimin khan Secretariat Conference Hall-ah ṭhukhawm a, October 2025-a Pulse-Polio Sub-National Immunization Day (SNID) hman dan tur an rêl. SNID puala zenghri danna pek tura ruahman zat chu naupang 52,505 an ni.

Ṭhutkhawm hi Health principal director Dr Lalthlengliani'n a kaihruai a; India ram chu kum 2014 aṭangin zenghri awm tawh lohna (polio free country)-a puan ni tawh mah se, ṭhenawm ramah zenghri a la awm avangin SNID chu October 14-ah international border nei district pali - Lunglei, Siaha, Champhai leh Lawngtlaiah te hman a nih dawn thu a sawi.

Meeting-ah hian NHM mission sirector Dr Lily Chhakchhuak, Dr Lalhlimpuii, state immunization officer Dr Zoramruati Ralte, UNICEF consultant Dr Rebecca Sharma te pawhin thu an sawi a ni.

SNID hi nausen aṭanga naupang kum 5 chinah pek tur a ni a, October 14, 2025-ah zenghri danna (vaccine) pek rûnpui neih tur a ni. October 15 & 16-ah hri danna pek kim lohte pek leh tur a ni a, October 21, 2025-ah zawh vek tura ruahman a ni.