MYC-in spa therapy zir tur thlah

Mizoram Youth Commission kaltlanga spa therapy zir tur mi 13-te thlahna hun nimin khan MYC Conference Room-ah hman a ni a, MYC chairman Malsawmzuala Ralte-in fuihna thu a sawi.

Malsawmzuala Ralte chuan, spa therapy zir turte chu Kristian an nih anga an tih tur leh tih loh turte hre reng tura chahin, "Khawi hmun pawh ni se, mi dangte awm dan anga a ṭha zawnga insiam rem thiam a ṭul," a ti a; kum hnih khat hnua cruise line-a thawk thei ngei tura taima turin a chah.

Spa therapy zir turte hian August 25, 2025-ah Aizawl chhuahsanin The Lalit Golf & Spa Resort, Goa an pan dawn a, thla thum chhung an zir ang. Kum 2024-25 sorkar kumah khan MYC hian spa therapist tur mi 15 a lo tir chhuak tawh bawk.