Minister-in Parent's Teacher Meet hmanpui

Minister of state B Lalchhanzova chuan nimin khan MLA a nih anga model school atana a puan L Buana Model School-in Parent's Teacher Meet an buatsaih a hmanpui a; Mizoram zirna hmasawnna turin sorkarin beihpui a thlak mek thu a sawi.

B Lalchhanzova chuan, sorkarin zirna, a bikin elementary school a ngaih pawimawh thu sawiin, "Kan sorkar chuan Mizoram pumah zirna hmasawnna tura beihpui a thlak mek. Education department pawhin theihtawp chhuahin zirtirtu indaih zawk leh rualkhai zawka kalpui dan a ngaihtuah zel a ni," a ti.

In leh lo ropuina lama intlansiak aiin, fate thiamna leh zirna atan sum leh theihnate hmang tam turin nu leh pate a chah a, "Naupangte zirna hi investment a ni a, nu leh pate tan bakah, anmahni zirlaite tan an hma hun zel tur hriltu a ni," a ti a; a model school atana L Buana Model School a thlang chu tifuh a intih thu leh sikul tihhmasawn nan theihtawp a chhuah zel tur thu a sawi.

L Buana Model School hi 1983-ah din a ni a, zirlai 116 an awm mek a ni.