MUHCS thawhpui damlo enkawlna 52 a awm

Mimal/pawl damdawi-in zingah Mizoram Universal Healthcare Scheme (MUHCS) kalpuitu empanelled hospital 39, deemed empanelled hospital 13 leh empanelled private day care centre pathum a awm mek a; a vaiin damdawi-in 52 niin, Mizorama damdawi-in 14 leh Mizoram páwna damdawi-in 38 a ni.

Health & Family Welfare department chuan August 19, 2025 khan MUHCS empanelled hospital list a tichhuak. Empanelled hospital 39 zinga 11 leh empanelled private day care centre pathum chu Mizorama mi a ni a, empanelled hospital 25 leh deemed empanelled hospital 13 chu Mizoram pawna mi a ni thung.

Mizorama mimal/pawl damdawi-in (empanelled hospital) 11-te chu Aizawl, Lunglei, Siaha, Champhai leh Lawngtlai district-a mi a ni a; empanelled private day care centre pathum hi Aizawla mi vek a ni.

Mizoram páwna empanelled hospital 25 zinga 10 chu Kolkata-a mi a ni a; New Delhi-ah pariat, Guwahati-ah pahnih, Barasat (West Bengal), Ghaziabad, Noida leh Silchar-ah pakhat ṭheuh a awm. MUHCS deemed empanelled hospital 13 zingah Guwahati leh Shillong-ah pali ve ve a awm a, Silchar-ah pahnih, New Delhi, Hyderabad leh Delhi NCR-ah pakhat ṭheuh a awm bawk.