Minister hoin Tuirial Airfield hmun enfiah

Tourism department leh Sports & Youth Services department enkawltu minister Lalnghinglova Hmar chuan August 22, 2025 tlai khan Tuirial Airfield hmun hlui a tlawh a; SYS department, National Cadet Corps, Mizoram State Sports Council leh Tourism department aiawhte nen airfield hmun ṭangkai zawka hman dan tur an thlir.

Tuirial Airfield ṭhin tlawhnaah hian Tourism department hmun ram tawhte hman ṭangkai dan tur ena a ni a; NCC academy din nan hman a nih theih leh theih loh te, NCC Air Wing tana thlawhtheihna khalh zirna (special flying training) atan hman theih a nih leh nih loh te, drone technology zirna hmuna siam theih a nih leh nih lohte an ena sawiho a ni.

Infiamna hmunhma atana hman theih chin a awm leh awm loh te, Tourism kaihhnawih thiltih (event) lian thlen theihna tura buatsaih nan a remchan dan turte sawiho a ni bawk.

Tuirial Airfield tlawhnaah hian SYS joint director C Lalremsanga leh 1 Mizo Air Squadron NCC commanding officer, Wg Cdr Lalrinsanga bakah, Mizoram State Sports Council-a engineer-te leh Tourism department aiawhte an tel a ni.