CM leh KMMTTP kawng siamtu inkâwm

Chief minister Lalduhoma chu nimin khan a pisaah Kaladan Multimodal Transit Transport Project (KMMTTP)-a Zorinpui leh Paletwa inkara hnathawh enkawltu IRCON International Limited deputy project engineer Nazish Akhtar-a'n a hmu a, hna thawktute'n harsatnate a thlen.

Nazish Akhtar chuan, tluang taka hna an thawh mek thu a sawi rualin, an inbunna hmun, ramri aṭanga hla vak loah tui, kawlphetha leh mobile signal ṭha zawk lak luh an mamawh thu a sawi. An bungruate tuifinriat kaltlanga an lak luh theih loh avangin Mizoram kaltlang veka an lak luh thu sawiin, kawng hrang hrangah Mizoram sorkar thawhpuina an mamawh thu a thlen bawk.

CM Lalduhoma chuan IRCON International Deputy Project Engineer thu thlente chungchang hian a theih ang anga ṭanpui an nih tur thu a lo hrilh a ni.