Lungleiah Essay Competition buatsaih

District Institute of Education and Training (DIET), Lunglei chuan nimin khan high school zirlaite tan thu inziahsiak, Essay Writing Competition an buatsaih a, thupui chu 'Zirtirtu ṭha' tih a ni.

Essay inziahsiakah hian Lunglei Municipal Council (LMC) huam chhunga high school-te aṭangin zirlai pahnih zel an tel a; pakhatna aṭanga pathumnate hnenah September 4, 2025-ah Lunglei Convention Centre-a DIET, Lunglei Teachers' Day hmannaah lawmman sem a ni ang.

Zirlaite'n thuziak leh ngaihtuahna hman thiamna lama hma an sawn theih nan Essay Competition hi buatsaih a ni.