Buaina thlena hmun inute 20 chhunga thlen hman intiam

Lawngtlai SP Lalringdika chuan nimin khan Lawngtlaia thuthar thehdarhtute a kâwm a; Lawngtlai khawpui chhung bikah buaina a thlenin, report an dawn aṭanga minute 20 chhunga an thlen hman vek tur thu a sawi.

Lalringdika chuan, buaina leh harsatna thleng thut thei hmachhawn turin theihtawp an chhuah tih sawiin, “Lawngtlai khawpui chhung khawi hmunah pawh buaina thleng a awmin police-te’n an hriat aṭanga minute 20 chhungin a hmun an thleng hman vek dawn. Enchhinna hi neih a ni tawh,” a ti a; an hun mamawh zat an chhût chhuak lâwk chu buaina leh harsatna a thlenin police leh mipui tan thil ṭangkai tak a nih tur thu a sawi.

Lawngtlai SP sawi danin, Lawngtlai khawpui chhunga thil thlengah report an dawnin, police-te chu minute thum chhungin chhuak turin an inpeih hman a, khawpui pannaah minute nga vel an mamawh thung.