MPF-in MPC pisaah sorkar ṭha an sawi

Mizoram People Forum (MPF) hruaitute chu nimin khan MPC party pisaah lengin, sorkar inrêlbàwlna ṭha (good governance) chungchang an sawipui a; MPF gene-ral secretary Rev.Dr R Lalbiakmawia’n power point presentation neiin hun a hmang.

Rev. Dr R Lalbiak-mawia chuan, Mizoramah sorkar ṭha a din theihna tura MPF-in hma a lakna chuan rah ṭha a chhuah mek zel tih a sawi a, "MPF hmalakna azarah inthlanna fel leh ṭha kan nei ṭan a, candidate-te pawh ṭha tak tak kan nei thei ta a, roreltu ṭha tak tak kan nei thei ta bawk a, a lawmawm hle. Kan hmabak chu sorkar ṭha siam hi a ni," a ti.

MNF General Secre-tary chuan, Mizoramin mipui beisei ang sorkar a la nei lo nia sawiin, "Kan neih theih nan United Nations Development Programme (UNDP), World Bank, Asian Deve-lopment Bank (ADB) formula hman kan tum a, kan innghahna ber tur erawh chu leilung leh a chhunga awm zawng zawng neitu leh dintu Pathian chakna leh thil tih theihnaah a ni ang," a ti a; ram rorel-naah Pathian dah pawi-mawh hmasa ber turin kalkhawmte a chah.

MPC senior vice pre-sident Vanlalhlana pawhin thu sawiin, MPF-in ram politics kalphung a ṭhat theihna tura ṭhahnemngai taka an hmalakna chu lawmawm a tih thu a sawi a, "Politician-te'n rilru fím tak púa Pathian ṭihna leh pawisakna nei chunga politics kan khelh theih nana MPF zirtirnain rah ṭha tak a chhuah mek zel a ni," a ti.

Vanlalhlana chuan, Mizoramah sorkar inrêl-bâwlna ṭha tun din a nih theihna tura MPF hmalakna chu MPC party chuan theihtawp chhuahin tihhlawhtlin tuma hma an lak zel dawn thu a sawi a; MPF hmalakna chu ṭawiawm zel turin Mizorama political party-te leh mipui a sáwm a ni.