Thubuai nei laiin ukil a vit

Tualthah thubuai vanga Lunglei District Jail-a táng mek, Lalram-enga chuan nimin khan Lunglei District Court-ah ukil R Zothantluangi a vit a, a hliam na lutuk lo nia thu dawn a ni.

Lunglei Police aṭanga thu dawn danin, Lalramenga thubuai hi Lawng-tlaia Chief Judicial Ma-gistrate-in Lungleia District & Session Judge ngaihtuah turin a thawn a, nimin kha Lunglei Court-a vawi khat a inlanna a ni. Lalramenga hian Court páwna an ṭhut laiin ukil R Zothantluangi chu koin, a vit nghal a, mahse R Zothantluangi hi a lo invêng hman a, a invenna lamah a kut erawh a pem a ni. R Zothantluangi leh Lalramenga te hi tun hmain an inhre ngai lo.

R Zothantluangi a vih avang hian Lunglei police-te chuan Lalramenga chu thubuai an siamsak a ni.