Lunglei MZP-in kawngpui dan an tum

MZP headquarters, Lunglei chuan Lungnlei Civil Hospital-a doctor pathum, tun hnaia sawn chhuahte Lungleia sawn let leh tura sorkar an ngennain awmzia a neih loh avangin naktuk, Ni-ngani zing dar 7 aṭangin tiam chin awm loa Lung-lei-Aizawl World Bank kawngpui dan an tum.

Lunglei MZP tarlan danin, an hmalak dan tur chungchang hi nimin khan Lunglei MZP hruaitute bakah, Lunglei College, J Buana College leh Mizoram Polytecnic Lungleia students union hruaitute'n an ngaihtuah a; vawiina thu lawmawm an hriat loh chuan naktuk zing dar 7 aṭangin World Bank kawngpui dah an rel a ni.

Lunglei Civil Hospital-a awm ṭhin doctor pathum - Dr Thaizii, Dr Lalremruata leh Dr B Lalhriatpuia (AYUSH)-te Lungleia dah let tura an phut vang hian Lunglui MZP-te chuan November 8, 2016 khan Lunglei Civil Hospital Medical Superintendent pisa tual-ah transfer order copy an lo hâl tawh a ni.