MZU-ah exam zawhna inang lo a awm?

MZP chuan, Mizoram University (MZU) hnuaia Science stream-a third semester third paper (History of Science) exam question-ah thil inang lo a awm niin an tarlang a; exam tawh chu sût a, exam zawhna inang tlanga zirlaite exam tir ṭha leh turin MZU an phût.

MZP tarlan danin, MZU hnuaia exam-ah hian November 11, 2016-ah Science stream-a third semester-te'n third paper (History of Science) an exam a; chutah chuan Mizorama college hrang hrangte'n third paper (History of Science)-ah Revised Edition question an dawn laiin, Lung-lei College leh Serchhip College-te chuan Pre-Revised Edition zawhna an dawng a ni.

MZP chuan, zirlaite'n zawhna inang lo an chháng chu an hriatthiam loh thu sawiin, "MZU Examination department thuneitute fimkhur loh leh inthlahdah vangah kan ngai nghet tlat," an ti a; exam ṭhat leh vat a nih theih nan a rang lamin MZU thuneitute'n hma la se an duh thu an tarlang.