Kolasib-ah infiamna hawng

Kolasib District Inter-Office Sports Meet 2016 chu nimin khan Kolasib Hmarveng Hall-ah Kolasib DC H Lalengmawia'n a hawng.

He intihsiakna hi Kolasib-a sorkar department hrang hranga thawkte inkara inpawh tawnna leh thawhhona
ṭha neihna tura buatsaih a ni a; infiamna chi hrang hrang - badminton, hmeichhe volleyball, table tennis, chess, draugh board leh chinese checker-ahte an inel dawn a ni.

Kolasib DC chuan, sorkar department hrang hranga hnathawkte chu rilru thianghlim leh inhawng taka infiamna hun hmang turin a chaha; mipuite rawngbawltu an ni tih hre renga lungrual taka thawkho turin a fuih.