Siaha district CD ratio 91.48%

Siaha District Consultative Committee (DCC), District Level Review Committee (DLRC) chu nimin khan SDO (Sadar) Vanlalchhuanliana kaihhruaiin an ṭhu a; April-June, 2025 chhungin Siaha district-a bank hrang hrangte credit deposit (CD) ratio chu 91.48% a nih thu tarlan a ni.

Ṭhutkhawmah hian April-June, 2025 chhunga iaha district-a bank-te hmalakna thlir let a ni a; sorkar scheme tihhlawhtlinna tura loan pek zat te, loan chhia neih dan te, bank-in harsatna an neihte leh hmalak zel dan turte sawiho a ni a; sorkarin mipui hamṭhatna tura hmalakna a neihte mipuite'n an hriat chian a pawimawh thu an tarlang.

Tarlan danin, Siaha district-a bank hrang hrangin April-June 2025 chhunga pawisa am hmuh aṭanga loan an pek chhuah zat, CD ratio chu 91.48% a ni a; Reserved Bank of India-in CD ratio ṭha ni tura a bituk hniam ber (60%) an khûm.

April-June, 2025 chhungin Siaha district-a bank-te'n sorkar scheme-te mipui hnenah zirtirna ṭum 66 an buatsaih a, chungah chuan mi 1,897 an tel. PMJDY account nei thar mi 29,196 leh PMJJBY-a inziak lut thar mi 3,010 an awm a, PMSBY-a in ziak lut mi 4,984 leh APY-a inziak lut thar mi 795 an awm bawk.