Secretariat-ah ruahtui khâwl dawn

Public Health Engineering minister Prof. Lalnilawma chuan nimina Assembly session-ah MNF member Robert Romawia Royte zawhna chhangin, ruahtui dah khâwl (rainwater harvesting) chu Secretariat office aṭanga ṭan a nih dawn thu a sawi.

Prof. Lalnilawma chuan, ruahtui dah khawlna buatsaihna atan proposal siam a nih thu a sawi a, "Kan proposal hi min pawmsak hlauh a, hemi atan hian cheng vbc. 2.4 pawmsak kan ni. Secretariat-a office-te aṭangin bul kan ṭan dawn," a ti.

Secretariat aṭanga ṭan a nih hnuah department dangah kalpui zel a nih tur thu sawiin PHE Minister chuan, peih a nih hunah chuan department-te'n tui bill atana an sem sên nasa taka a tlakhniam tur thu a sawi.