Maubawkah fimkhur turin inchah

January 4, Thawhṭanni khan Maubawka hmeichhe pakhat chu Covid-19 vei a ni tih hmuh chhuah a nih hnuah nimin khan hripui vei mi dang paruk hmuh belh leh a ni a; hei vang hian Maubawk Local Task Force chuan an venga dâwr zawng zawngte chu tlai dar 4 rîk hmaa khâr vek tur leh páwna chhuak lo turin mipui an hriattir.

Maubawk LTF thuchhuah chuan, nimin khan an vengah Covid-19 positive an awm belh avangin hnu chhui mek a nih thu an tarlang a, "Positive contact nei in report lo hriat chhuah an awm a nih chuan an chungah na taka action lâk a ni ang," an ti. An veng mite chu chî-âi lo tura an chah rualin, puipunna, chhungkua leh ṭhian hoa chaw ei khawm leh thil tih khawm nei lo tur leh fimkhur taka awm turin an chah a ni.

Maubawk LTF hruaitute chuan, an venga Covid-19 veite chu Lawipu kawnga lam te, Bungkawn Vengthar panna lam kawngte a nih thu sawiin, chu lama kalte chu ding khawmuang lo turin an chah.