PMKSY hnuaia hmalakna enfiah

Serchhip DRDO project director Dr Malsawmtluanga Fanchun leh thawktu dangte chuan August 28, Ningani khan North Vanlaiphai leh Lungkawlh khuaa Pradhan Mantri Krishi Sanchayee Yojana (PMKSY) hnuaia hmalaknate an enfiah.

PMKSY hnuaiah hian North Vanlaiphai leh Lungkawlh khuaah project kalpui mek a ni a, rainbow rooster âr notê leh ar chaw pek a ni. North Vanlaiphai-ah self help group-te'n ei leh in sawngbawl lam an buaipui a; anthûr candy, khawmhma sweet, balhla tui leh thil dangte an siam chhuak mek.

Lungkawlhah chhungkaw 20 hnenah zîkhlûm chi sem niin, an seng mek a, a hmunah kg khat Rs 40-a hralhin, chawlhrualin chhungkaw tinin Rs 2,00,000 vel an lak luh theih an inbeisei.