Peace City atan DPR siamtu tur la thlang lo

Urban Devepopment & Poverty Alleviation (UDPA) changtu K Sapdanga chuan, Thenzawl Peace City atan detailed project report (DPR) siamtu tur thlan a la nih loh thu Assembly House a hrilh.

Assembly session neih zawh takah opposition leader Lalchhandama Ralte chuan, "Ministry of Housing Affairs aṭanga 'Shifting of State Capital form Aizawl to Thenzawl' atan DPR siamna tur cheng vbc. 10 hi release a ni tawh em," tiin a zawt a ni.

MNF member zawhna hi UDPA Minister chuan chhangin, "Ministry of Housing Affairs chuan 'Shifting of State Capital from Aizawl to Thenzawl' ni loin 'Peace City at Thenzawl' DPR siamna atan 1st instalment cheng vbc. 10 hi a rawn release tawh," a ti.

K Sapdanga tarlan danin, Thenzawl Peace City atan hian DPR siamtu tur la thlan a ni lo a, tender chhuah mek a ni.