Pawl 7-in thisen unit 244 pe

August 30, Inrinni khan Mizoram hmun hrang hrangah thisen unit 244 pek a ni. KṬP, Upper Republic Branch-in ZMCH tan unit 56 pein, petute mipa 42 leh hmeichhia 14 an ni a; KṬP, Leitan East Branch-in Synod Hospital tan unit 29 an pe a, petute mipa 26 leh hmeichhia pathum an ni.

Civil Hospital, Aizawl tan ṬKP, City Church unit-in unit 41 pein, petute mipa 36 leh hmeichhia panga an ni a; ṬKP, Central unit-in unit 27 pein, petute mipa 22 leh hmeichhia panga an ni. Manchester Unites Supporters Club, Mizoram din champha lawm nan an member mipa 34 leh hmeichhia pahnihte'n unit 36 an pe bawk.

Lunglei Pukpui Bial PYD-in Lunglei Civil Hospital tan unit 47 pein, mipa 41 leh hmeichhia paruk an ni a; ṬKP, New Serchhip Bialin Serchhip District Hospital-ah unit riat an pe a, petute mipa panga leh hmeichhia pathum an ni.