Minister-in Fun Fair a hmanpui

Minister of state Prof. Lalnilawma chu nimin khan Coimbatore, Tamil Nadu-a Mount Zion Silver Jubilee School campus, Thenkarai-ah Mount Zion Educational Institutions buatsaih Fun Fair 2025-26 ah khuallian a ni.

Mount Zion Educational Institutions hian kum tin Fun Fair an buatsaih ṭhin a, zirlaite'n an thiam angin ei tur an siamte lei theihin an pho chhuak ṭhin a, an inhralhna aṭanga sum hmuhte chu chanhaite tan an pe ṭhin.

Prof. Lalnilawma chuan, mihringte'n hlimna an zawng ṭhin tih sawiin, "Hlimna hi kan thil dawnteah ni loin, kan pek chhuah aṭangin kan hmu zawk ṭhin. Mi dangte tana luang chhuak tura inzirtirna a taka in kalpui hi a ropui tak zet a, zirlaite thinglungah nasa takin a ṭha zawngin ngawng a nei ngei ang," a ti a, chhunzawm zel turin a chah.

Mount Zion Educational Institutions hnuaiah hian College of Engineering and Technology, College of Nursing leh International School-te a awm a, zirlai 12,000 vel an nei mek a ni.