Lungsena oil palm chìnna hmun tlawh

Ministry of Development of North Eastern Region (DoNER) joint secretary (NEC) Angshuman Dey chuan August 30, 2025 khan Lunglei district Lungsen khuaa oil palm chìnna hmun (plantation) a tlawh a, oil palm chingtute'n harsatna leh mamawh hrang hrang an lo thlente chu a theih anga ûm zui a nih tur thu a sawi.

DoNER Joint Secretary (NEC) hi Agriculture & Farmers Welfare secretary Ramdinliani, joint director B Ramnunsanga, deputy director (oil palm) David Fangzauva leh Lunglei assistant DAO K Lalrinfela ten an ṭawiawm. Oil palm chingtute dinhmun leh mamawh hrang hrang an enpui a; department hotute nen hlâwk zawka oil palm thar chhuah theih nana thil pawimawh leh hmalak dan turte an sawiho a ni.

Oil palm chingtute hian harsatna an neih hrang hrang - a phurhna kawng (link road) te leh an mamawhte an lo thlen a; DoNER Joint Secretary chuan, an mamawh hrang hrangte inthlahrung loa department-a thawktute hnenah thlen ṭhin tur leh, an harsatna leh mamawh hrang hrang a hnena an thlente chu a theih anga um zui a nih tur thu a hrilh.