Zirtirtute'n Zirtirtute Ni hman loh an rel

Mizoram Government Ad Hoc Aided School Teachers (MIGASTU) hruaitute chu nimin khan an ṭhukhawm a, sorkar laka an lunglawi lohna lantirna atan kuminah Zirtirtute Ni (Teachers Day) hman loh an rêl.

MIGASTU chuan, sorkar hmasain sikul a provincialise tawh sorkar tharin a ṭhiah (revoke) leh avang leh, provincialise leh vat tura sorkar phûta badge dum bel leh flag dum zar an kalpuiin awmzia a neih loh thu an tarlang a, "Sorkar aṭanga thu lawmawm vawiin thlenga kan la dawn loh avangin, lungawi lohna lantir chhunzawm zel tur a ni," an ti.

Zirtirtute Ni chu an hnuaia sikul zawng zawngte'n lawm loin, badge dum nen sikul kal tur a ni tih tarlangin MIGASTU chuan, "Kan service chungchangah hian Cabinet chuan fresh proposal buatsaiha Cabinet-a ngaihtuah leh tura provincialisation revoke an nih mek laiin, vawiin thlengin Cabinet hian proposal thar chu a la ngaihtuah lo hi nâ kan ti tak zet," an ti a; sorkarin an chungchang a rang lamin ngaihtuah se an duh thu an tarlang.