Hmunphiah leina sum pe lêt

Mizoram Handloom & Handicrafts Development Corporation Ltd. (ZOHAND-CO) chuan, Mizoram Agricultural Marketing Board (MAMB) aṭanga hmunphiah leina tura sum an dawn Rs 3,36,49,972 chu hmunphiah hralhna aṭangin nimin khan an rûl lêt.

MAMB hi nimin khan Secretariat conference hall-ah an ṭhukhawm a, ZOHANDCO managing director LP Lalchangkima'n hmunphiah an hralhna aṭangin hmunphiah leina tura MAMB aṭanga an dawn Rs 3,36,49,972 chu MAMB hnenah a hlan lêt a ni.

Sorkar thuchhuah chuan, MAMB hian grade thliar loin February 1, 2026 aṭangin hmunphiah a lei leh dawn a, a ro ṭha kg khat Rs 80-in secondary collection centre-ah lei a ni dawn tih a tarlang.

Sorkar thuchhuah tarlan danin, kum 2025 chhung khan sorkarin a man (rate) a bituk aia to vekin kut hnathawktute'n hmarcha ro an hralh zo thei a; hmunphiahah chuan MAMB-in grade A leh B-a hralh tura ruahmanna a siam tawh chu hmunphiah chingtute tan a harsat avangin grade sawi loin kg khat Rs 80-in a lei vek a tiam a ni.