Lirthei chesualah mi 3 an thi

Nimin chhun dar 12 vel khan Siaha aṭanga Aizawl pan car pakhat chu Tuipui-D chhak Darzo lam, BRTF quarry hlui bula kawng thlang lam khâmah a tlan liam a, car-a chuang mi pathumte an thi vek.

Vanglaini thu dawn danin, car-a chuang S Vakia (48) s/o K Khokha leh Siaha Meisatla, H Lalramthlenga (53) s/o Buannera, New Siaha chu chetsualna hmunah an thi a; LB Roluahpuia (45) s/o K Lalhmuaka, Tuipang chu Hnahthial damdawi-in panpui a nih hnuah a hliam tuar loin a thi bawk.

Chetsual thu hriat a nih veleh Tuipui-D leh a chhehvela mite an tlan khawm nghal a, an lum thui avangin ruang leh hliam tuar lak chhuah a hautak hle. Mitthite hi Hnahthial damdawi-ina endik an nih hnuah an khua panpui a ni.

Car chesuala thite hi Mizoram Home Guard ṭanglai, an kaisanna atana exam hmachhawn tura Aizawl pan an ni.