Sorkar scheme buai loh dan tur rél

Rs. 1,000 leh Rs. 500 note tihthih a nih vanga sorkar scheme hrang hrangte'n harsatna an tawh lohna atan nimin khan chief secretary Lalmalsawma hoin sorkar department hrang hrang leh RBI leh SBI hotute an ṭhukhawm.

Meeting-ah hian, NLUP hnuaiah AH & Vety department-in ran leina tur cheng vbc. 22 an mamawh thu te, MGNREGS hlawhte bank aṭangin lak ni mah se, pawisa nâwi a awm loh chuan harsat-na a thlen theih thu te, sorkar programme pawimawh zual tibahlah loa a kal tluan theih nan leh Krismas hunpuiah mipuiin harsatna tâwk lutuk loa an awm theih nan hmalak dan tur sawiho a ni a; a ṭul chuan sorkar laipuia thlen ni se, an ti.

Sumdawngte tan POS (swipe machine) SBI-ah ngaihven theih a ni thu te, pawisa nâwi nei apiangte'n hupbet mai loa hman zel a pawimawh thu leh, pawisa note tê zawk leh note thar RBI aṭangin Mizoramah rawn thawn mek zel a nih thute sawi lan a ni.