Lalzuithanga kutchhuak zirho

Mizoram University-a Mizo department chuan, nimin khan Vanapa Hall-ah Lalzuithanga kutchhuakte zirhona, 'National seminar on Creative Writings in commemorate the birth centenary of Lalzuithanga' tih an buatsaih a; Art & Culture director R Hmingthanzuala'n a hmanpui.

Seminar sawi hawngtu Prof. Laltluangliana Khiangte, MZU Mizo department HoD chuan, Lalzuithanga chu kum 1916-ah a piang a, kumin hi a kum 100-na a nih thu a sawi a; Lalzuithanga chuan thawnthu (novel) pariat leh lemchan thawnthu leh hla eng emaw zat a phuah a, a manuscript hmuh zawh loh pariat a awm bawk tih a sawi.

Seminar-ah hian Lal-zuithanga kutchhuak dahkhawmna lehkhabu 'Thangzui' tih chu Art & Culture Director-in a tlangzarh a, seminar hi vawiinah an chhunzawm ang.

Lalzuithanga hi lemziak thiam a ni a, Kristian Tlangau chanchinbua tawtawráwt hàm lai lem chuang ṭhin hi a ziah a ni.