IMA-in Satyagraha an hmang

Indian Medical Association (IMA) chuan nimin khan India ram pumah Satyagraha (Non-Violent and Peaceful Protest) an huaihawt dawn a; IMA Mizoram State Branch pawhin Satyagraha hmang vein, badge dum an bel bakah, Aizawl Civil Hospital-ah sitting demonstation an nei.

IMA hian thil phût chi hrang hrang an nei a, chu'ngte chu Prime Minister hnenah an thlen. An petition copy chu Mizoram Chief Minister, Health Minister, Lok Sabha leh Rajya Sabha MP leh Aizawl DC-te an pe bawk.

Satyagraha neih chhan IMA thil phûtte

1. NMC din tumna hi tihtawp ni se. A aiah Indian Medical Council Act fel tak, sorkarin a duh dan ang anga a khawih danglam theih loh, mahnia inrêlbàwlna felfai tak nei siam ni rawh se.

2. Consumer Protection Act hnuaia Compensation against Doctor bithliah (capping) ni rawh se.

3. Clinical Establishment Act hnuaia doctor malte clinic dah ve hi siam ṭhat ni rawh se.

4. PCPNDT Act siam ṭhat ni rawh se.

5. Doctor-te leh damdawi-inte kutthlakna laka an him theihna turin Central Act siam ni rawh se.

6. Modern medicine leh tualchher damdawi lam thiamna inchawhpawlh loh ni se. Scheduled drug-te pawh modern scientific medicine graduate-te chauhin chawh theih ni rawh se.