Truck trip 10 gas thleng

FCSCA minister John Rotluangliana chuan, ni tin truck 10 hmangin ei­rawng­bawlna gas phurh chhuah a nih tawh thu a sawi.

Minister hian nimina Lengpui, Lengte leh Nghal­chawm a tlawhnaah thu sawiin, "Gas bûk tling zawk leh thianghlim zawk kan hman theih nan CYMA leh sorkar kan ṭangho a, contractor-te'n an phur tha duh lo a nih chuan sorkarin gas kan phurh theihna atan IOC hotute nen kan inremsiam a, tunah chuan Mualkhang leh Borkhola aṭangin ni tin truck trip 10 chuang a lo chho ziah tawh a ni," a ti.