Pawisa buaina a ziaawm

Sorkar laipuiin November 9, 2016 aṭanga Rs. 1,000 leh Rs. 500 note a tihthih vangin India ram chhung hmun hrang hrangah mipui an la buai zel a; nimahsela Mizoramah chuan bank dawrtu an tlem deuh ṭan tawh.

SBI Main Office-a cash officer Lalṭanpuia chuan palai zawhna chhangin, pawisa note thar lo thlen tirh aiin tunah chuan bank dawrtu an phai deuh tawh tih a sawi rualin, bank-a thawkte chu an la buai hle tih a sawi.

Pawisa hi November 11-ah Rs. 2000 note cheng vbc. 100 a lo thleng a, November 15-ah cheng vbc. 464 a thleng leh bawk tih a sawi a, "A daihzâi thei ang berin bank hrang hrangah kan sem a, hei bak chu a lo thlen belh rih lo," a ti.

SBI Cash Officer chuan mipuite fimkhur tura chahin pawisa note tharah pen/pencil hmangin ziah rân pawm a nih tawh dawn loh thu a sawi a, note dik leh dik lo chhiarna khawl, Germany siam an hman turin pawisa ziah rân leh pawisa lemte chu a hre hrang vek thei dawn tih a sawi bawk.