Harsatna a thleng thut a nih loh chuan Gas a harsa lo ang - FCSCA Secretary

Food Civil Supply & Consumer Affairs (FCSCA) secretary Dr Franklin Laltinkhuma chuan, eirawngbawlna gas chu ni tin bûr 7,500 vel Aizawlah phurh thlen a nih thu a sawi a, "Harsatna eng emaw a thleng thut a nih loh chuan gas-ah harsatna a awm lo ang," a ti.

Vanglaini palai zawhna chhangin Dr Franklin Laltinkhuma chuan, "Gas hi ni tin Mualkhang
aṭangin truck trip 13 a rawn thleng a, hetiang zat vel tho hi Borkhola aṭangin a rawn thleng ṭhin," a ti. Truck pakhatin gas bûr 306 zel a phurh ṭhin.

Tun angrenga gas a thleng a nih chuan harsatna a awm loh tur thu sawiin Dr Franklin Laltinkhuma chuan, "Mualkhang aṭangin ni khata truck trip 13 phur chhuah theih a ni a, gas bullet a thlen reng a, harsatna dang a awm loh chuan tuna rawn thleng ang hi chu kan indaih a ni," a ti a; gas-in ziaawm lam a pan zel thu a sawi.

FCSCA Secretary chuan, gas tihchingpen pawh a ziaawm tawha an hriat thu sawiin, "Distributor-te mai bakah, a semna hmunah bûk zel a nih tawh avangin gas tihchingpen chi a ni tawh lo a, hei vang hian gas tihchingpen a ziaawm phah," a ti.

Dr Franklin Laltin-khuma sawi danin, Bor-khola aṭanga Aizawl phurh man chu IOC-in an tum a, Mualkhang aṭanga Aizawl phurhna atan chuan sorkarin truck an thlante hman niin, a phurh man chu km. 1-ah bûr pakhat phurh man IOC-in pawisa 13 leh Mizoram sorkarin pawisa 3 an tum a ni.