Aizawl veng 30 velah dengue hmu Thihpui erawh an la awm lo

Health department chuan nimin khan thuchhuah siamin, kumin chhungin Aizawl khawpui huam chhungah veng 30 velah Dengue natna hmuh chhuah tawh a, mahse, tun thlengin Dengue vanga thi an la awm lo tih an tarlang.

Health department thuchhuah chuan, "Kan statistics enin, kumin chhung bikah Dengue case a sang chho hle a, mahse, natna thihpui hi an la awm lo," a ti a; tun dinhmunah chuan Dengue léngin zia-awm lam a pan tawha an hriat thu a tarlang.

Health department chuan, Aizawla veng hrang hrangah Dengue case a awm tih hriat a nih atangin Dengue vei awmna vengah awareness campaign, source reduction (thosi pianna tihbo) leh a kah rêm hna (space spray & fogging) an nei zui nghal zel tih an sawi a; sorkar department hrang hrang, khawtlang hruaitute leh tlawmngai pawlte nen theihtawpin ṭan lak tlan mek a nih thu an sawi bawk.