KHAWTHLIR

Thisen pe

Aizawla Zotlang Branch KṬP chuan nimin khan Synod Hospital tan thisen unit 26 an pe a, a petute mipa 22 leh hmeichhia pali an ni. ṬKP, Hnahthial North Bial pawhin November 16, 2016 khan Christian Hospital, Serkawn tan thisen unit 74 an pe a a, a petute mipa 51 leh hmeichhia 23 an ni.

Mi 1,349 admit

October 2016 chhung khan Aizawl Civil Hospital-ah mi 34,751 an inentir a, mi 1,349 admit an ni. Nau piang 392 an awm laiin, mitthi 75 an awm a, damlo 168 chu Mizoram páwnah thawn an ni.

EPRIS workshop

Mizoram Remote Sensing Application Centre (MIRSAC) chuan nimin khan IPR Auditorium-ah Indian Space Research Organisation (ISRO)-in thingtlang khaw kilkhâwr thlenga van sang lam thiamna hmanga hmasawnna ṭha zawk an ruahman theihna tur leh thuneihna sang zawk an neih theihna tur project, 'Empowering Panchayati Raj Institutions Spatially (EPRIS)' chungchung zirhona an buatsaih.

e-Procurement zir

Information and Communication Technology department chuan nimin khan sorkara secretary leh head of department-te tan e-Procurement workshop an buatsaih a, chief secretary Lalmalsawma'n a hmanpui. e-Procurement hi Digital India Project hnuaia mission mode project pakhat a ni a, sorkar laipuiah chuan Ministry of Commerce & Industry-in a kalpui a ni.

Cultural Meet

North East Zone Cultural Centre leh Mizoram Art & Culture department-te chuan nimin khan Vairengte-ah Discover North East India Cultural Meet an buatsaih a, India hmarchhak state hrang hrang aiawhte'n an hnam lâmte an entir. He hunah hian Mizoram, Assam, Meghalaya, Manipur, Nagaland, Tripura, Arunachal Pradesh leh Kerala mite an tel a; vawiinah Kolasib-ah neih leh a ni ang.