NEDP hnuaiah project paruk pawm belh

New Economic De-velopment Poli-cy (NE-DP) Core Com-mittee chu Nilaini tlai khan chief minister Lal Than-hawla hoin CS con-ference hall-ah an ṭhu-khawm a, project paruk an pawm belh.

CM chuan, NEDP chu mithiamte leh sorkar official-te'n ṭha an ti nia sawiin, "Mipui lam pawh an phûr hlein ka hria. Uluk leh fel takin ruahmannate kan kalpui a ngai a, a vilna lamte kan ngaih pawimawh a ngai," a ti.

Meeting hian Core Committee meeting hma-saa thutlukna an la siam theih loh scheme/project-te leh policy agenda-te ennawnin, a kaihhnawih department-te aṭanga ruahmanna duan nawn leh (revised proposal) an dawnte chu an thlirho a, an pawm a ni.

Ruahmanna siam-
ṭhat an pawmte chu - cheng nuai 100 senna tur ‘Improvement in ease of doing business and improvement in public service delivery through ICT' te, cheng nuai 200 sênna tur 'Improvement of internet connectivity in the capital city and district headquarters' leh, cheng nuai 2800 senna tur 'Improvement of State Referral Hospital at Falkawn' te a ni.

Meeting-ah hian, sorkar kum kal mek chhunga project tihbelh ngai awm thei tur thlirho a ni a, project thar pathum an pawm.

Project pawm tharte chu - cheng nuai 50 senna tur 'Renovation and extension of DLAO office at Ramhlun to accommodate LAD Directorate' te, cheng nuai 10 senna tur 'Pilot project for early intervention against tobacco usage and drug abuse from upper primary school' leh, kum nga chhunga cheng nuai 667.20 senna tur 'Development of indigenuous techno-logical innovation in Mizoram through esta-blishment of Common Facility Service Centre and Enhanced Protection of Ownership' te a ni.