Naisingpara-ah Bru endik leh

Mizoram aṭanga Bru raltlante hruai kîr tumnaa Bru enfiah mekah, nimin khan Naisingpara-ah enfiah chhunzawm a ni a, vawiinah pawh Naisingpara-ah enfiah hna thawh leh a ni ang.

Naisingpara camp-ah hian November 16 khan chhungkaw 418-a mi 2,409 enfiah an ni a, mi 2,409-te hi puitling 1,709 leh naupang 700 an ni.

Enfiah zinga chhungkaw 254-a puitling puitling 1,064 leh naupang 427, mi 1,491 chu Mamit district mi an ni a; chhungkaw 121-a puitling 510 leh naupang 204, mi 714-te chu Kolasib district mite niin, chhungkaw 33-a puitling 135 leh naupang 69, mi 204-te chu Lunglei district mi an ni thung.

Naisingpara camp hi Bru camp paruk zinga a lian ber a ni a, vawiinah pawh enfiah chhunzawm leh a ni ang. Ruahman ang chuan, November 21-ah Hazachera camp-a mite enfiah tura tih a ni.