Vanapa Hall hnuaiah lirthei tlân theih loh

Traffic SP chuan thuchhuah siamin, PWD Aizawl Road South Division-in naktuk Inrinni
aṭanga November 28, Thawhṭanni chhungin Vanapa Hall hnuai kawng an thawm ṭhat dawn avangin, hna thawh hun chhungin kawng hi khâr a nih tur thu a tarlang.

PWD hotute chuan, Vanapa Hall hnuai kawngah tuihâwk luanna (drain) mumal a awm loh avangin kawng chu cement concrete-a siam tum a nih thu an sawi.

Hetih lai hian, sorkar chuan thuchhuah siamin, Traffic SP thupek, Sikulpuikawn leh Upper Republic, Raj Bhavan panna pêng inkar kawngpui siamṭhat a nih vanga November 17 aṭanga hna thawh zawh hma zawng lirthei tlân theih loh hun chu zing dar 10 aṭanga tlai dar 3 inkar a nih zawk thu a tarlang.