Minister Dr Vanlalthlana hnenah taxation file kaltir zel a ni dawn

Chief minister Lalduhoma kaihhruaiin nimin khan Chief Minister's Office-ah Integrated Financial Management and Information System (IFMIS) chungchang sawiho a ni. CM chuan, Taxation thil bikah minister Dr Vanlalthlana chu amah pui tura ruat a nih angin, a hnenah Taxation file kaltir zel tur a nih thu a sawi.

CM Lalduhoma chuan, "Finance department leh Taxation department chu chhûn fin ni tawh mah se, Taxation thil bikah minister Dr Vanlalthlana chu min pui tura ruat a ni a, GST Council Meeting lo awm turah pawh hian a kal dawn," a ti a; Finance department hotute chu Taxation lam thilah chuan Dr Vanlalthlana hnenah file kaltir zel turin a hrilh.

Ṭhutkhawmah hian adviser to CM (Finance) TBC Lalvenchhunga leh Finance department hotute an tel a; IFMIS-a works account dah tel dan tur zir chiangtu Study Team for Cheque Payment under IFMIS report leh rawtnate ngaihthlak niin, rawtnate chu a ṭul anga bawhzui dan tur an ruahman a ni.