MUHCS hnuaia awlsam zawka phaia kaltir theihna titawp

Mizoram sorkar chuan Mizoram Universal Healthcare Scheme (MUHCS) hnuaia awlsam zawka damlote state páwna kaltir (refer) theihna tura a duan chu September 1, Thawhṭanni khan a titawp.

Health & family Welfare Secretary chuan September 1, 2025 khan notification tichhuakin, Core Committee on MUHCS-in August 5, 2025-a a rêl bawhzuiiin, awlsam zawka phaia inenkawl tura inkaltir theihna Simplified Referral System chu tihtawp a nih thu a tarlang.

Simplified Referral System hnuaiah hian specialist doctor-te'n empanelled hospital-a enkawlna mamawh damlote an kaltir thei a; September 1 aṭanga tihtawp a nih leh tâk avang hian phaia damlo kaltir turte'n medical board an paltlang a ngai leh tawh dawn a ni.